Tuis | Orania Hotel | Selfsorg | Tariewe | Besprekings


Orania Besienswaardighede

Orania is in die Noordkaap-provinsie, 164 kilometer van Kimberley en 240 kilometer vanaf Bloemfontein. Die dorp is gele aan die oewer van die Oranjerivier en word omring deur uitgestrekte karooveld. n Besoek aan Orania is n ervaring wat n mens van meet af vul met sielerus en hoop, maar terselfdertyd ook met n energie wat ons laat besef wat werklik bedoel word met Afrikanervryheid.


Orania: die Afrikanertuiste

Orania is meer as net n pragtige dorp met talle besienswaardighede, gasvry inwoners en prettige aktiwiteite vir jonk en oud. Orania is die hartklop van die Afrikaner se vryheidsideaal, die verwesenliking van ons volk se eeue-oue hunkering na n plek in die son waar ons onbeskaamd ons geloof, taal, tradisies en kultuur kan uitleef.

Orania is ook meer as net n gemeenskap. Dit is die groeipunt van 'n Afrikaner hartland waar ons selfbestuur kan toepas en met trots ons eie kan bemagtig.

Ons omgewing

Die plantegroei is tipiese karoobossies en nader aan die oewer word pragtige groot bome aangetref, onder andere karee- en witkaree-, blinkblaarwag-n -bietjie, witgat- en soet-doringbome.

In die winter kan n aantal inheemse blomsoorte hier gesien word. Kleinwild kom volop voor en n groot verskeidenheid vols, wat watervols insluit, is reeds deur volkykgeesdriftiges aangeteken.

Die Oranjerivier vloei hier taamlik wyd en dit bied ideale omstandighede vir watersport. Orania het lieflike sonsondergange en snags kan sterrekykers die onbesoedelde hemelruim bespied.

Orania val in n somerrenvalgebied en tipies aan die karooklimaat word die somers baie warm. Temperature wissel van 30C tot 38C. Winters word deur snerpende koue nagte, maar heerlike dae gekenmerk. In die lente en herfs is die klimaat baie matig.

Orania se museum huisves talle geskiedkundige items, soos die Vierkleur wat Jopie Fourie by hom gehad het in die dodesel. n Uitgebreide wapenversameling kan ook besigtig word.

Die Verwoerd Gedenkversameling kan besigtig word in die huis waarin mev Betsie Verwoerd haar laaste jare deurgebring het. Talle interessante persoonlike besittings van dr. Verwoerd asook geskiedkundige items van sy era word uitgestal.

Die KENWEB Onderwysindustrie kan ook besoek word. Besigtig die onderneming waarvandaan n volledige gerekenariseerde onderwysdiens aan tientalle skole en honderde tuisskole in suidelike Afrika verskaf word, asook aan leerders in 15 lande regoor die wreld.

Kleingeluk is die buurt waar besoekers unieke strooibaalhuise, ontwerp en gebou deur n plaaslike argitek, kan besigtig. Die Kuierstoep en die biblioteek is ook daar gele.

Rotsgravure is volop in die koppies rondom Orania. Daar is gravure wat tot so ver as 4,000 jaar terug dateer, asook ander interessanthede uit die geskiedenis van die omgewing, bv. gravure uit die tyd van die Anglo-Boereoorlog.

Voelkyk, hengel en watersport is ook gewilde tydverdrywe.

Talle landbouprojekte, soos die groot pekanneutaanplantings onder besproeiing, is die moeite werd om te besigtig.

Onthou ook om die Koeksistermonument, wat voor die munisipale swembad staan, te besoek!

Orania beskik onder andere oor:

  • Vakansieoord
  • Winkelsentrums
  • Avontuurpark
  • Restaurante
  • Rivier Spa
  • Kuierplekke
  • Koffiewinkels
  • Klereboetiek en haarsalonne
  • OK kruideniersware
  • Talle besighede
  • Ouditorium
  • Gemeenskapsaal met groot kombuis
  • Pluimbalbane
  • Landingstrook
  • Landingsplek vir helikopter
  • Swembadkompleks met tennisbane
  • Industrile gebied
  • Biblioteek
  • Kerk- en skoolgeboue
  • Koshuisgeriewe
  • Rugbyveld
  • Jukskeibane
  • Poskantoor
  • OTM-geriewe
  • Motorhawe
  • Besproeiingstelsel met pompstasie

Vir verdere inligting en brosjures oor besienswaardighede, besoek die Orania Beweging in die Vryheidsentrum op Orania. Kontak Coraine Oosthuizen by 053 207 0062 of John Strydom by 082 975 8132



© Orania Toere. kontak@oraniatoere.co.za. Webwerf ontwerp deur QD. Vertoon beste op Internet Explorer. Sien ook lief-orania.co.za en vryafrikaner.co.za
Tuis | Orania Hotel | Selfsorg Chalets | Orania Rivier Spa | Tariewe | Meer oor Orania | Kontak | Skakels | English