Tuis | Orania Gastehuis | Hotel | Chalets | Spa | Tariewe | Besprekings


Orania Gastehuise | Karoosig Gastehuis

Kom geniet die rustigheid van die Karoo en verken die pragtige omgewing om Orania. Karoosig Gastehuis is gele op 'n koppie in die hartjie van Orania en spog met pragtige uitsigte oor die dorp en omliggende Karoo. Die 4ster gastehuis is een van die gerieflikste verblyf opsies in Orania en is gebou met die doel om as 'n gastehuis bedryf te word. Ons gaste word ook bederf met 'n ligging naby al die toerisme aantreklikhede, restaurante, winkels by Ou Karooplaas Sentrum en Stokkiesdraai Avontuurpark, Bo-Karoo Kampus, Dorpsraad se munisipale kantore en veiligheidsentrum.


Bekostigbare verblyf in Orania by Karoosig

Met 'n sentrale ligging in Orania en asemrowende uitsigte, bied Karoosig Gastehuis gesellige en gerieflike verblyf teen bekostigbare tariewe. Die gastehuis het 2 dubbelkamers, 'n gesinskamer en 'n selfsorg eenheid, elk met sy eie en-suite badkamer met 'n stort.

Al ons kamers het lugversorging, 'n yskassie, haardror en Dstv. Ons voorsien handdoeke, gratis koffie en tee, stortjel en sjampoe. Ons gesinskamer het 'n hoofslaapkamer met n koningin-grootte bed en 'n aparte kamer met twee enkelbeddens. Die selfsorg eenheid het 'n hoofslaapkamer met 'n koning-grootte bed en 'n oopplan kombuis en sitkamer met 'n slaapbank.

Karoosig Gastehuis bied privaat parkering en 'n ruim kuierstoep waar gaste die Karoo-sonsak kan geniet. Daar is ook 'n swembad en ingeboude braai vir gaste se gebruik. Ys is gratis en word gestoor in die kisvrieskas op die stoep. Borde, eetgerei, glase, mikrogolfoond en als wat mens benodig vir 'n gesellige braai word verskaf. Ons voorsien ook n Burny-gasbraaier vir gaste wat hul eie ontbyt wil maak en daar is n opwasarea met waslappe en seep.

Karoosig is een van die gerieflikste gastehuise in Orania en sien uit daarna om u te verwelkom.

Tariewe en besprekings

Enkelverblyf: R 600 per kamer per nag (maks. 1 persoon)

Dubbelkamer: R 800 per kamer per nag (maks. 2 persone)

Gesinskamer: R 1 000 per kamer per nag (maks. 4 persone)

Selfsorg eenheid: R 1 400 per kamer per nag (maks. 4 persone)

Bespreek aanlyn of stuur 'n epos na besprekings@oraniatoere.co.za

Gratis begeleide toer van Orania

Ons sluit 'n gratis begeleide toer van Orania in vir besoekers. Die toer duur sowat 2 ure. Gedurende u besoek aan Orania stel ons voor dat u ons dorpie se kunswinkels, museums, geskenkwinkels, koffiewinkels, monumente ens. besoek. Na u gratis begeleide toer van Orania sal u 'n goeie idee he waar al die besienswaardighede in Orania gele is.



© Orania Toere. kontak@oraniatoere.co.za. Webwerf ontwerp deur QD. Sien ook Lief Orania en Golf Tours South Africa
Tuis | Orania Gastehuis | Orania Hotel | Selfsorg Chalets | Orania Rivier Spa | Tariewe | Meer oor Orania | Kontak | Skakels | English